काठमाडौँ । गायिका सीता राईको ‘जुनेली देख्दा’ बजारमा आएको छ । अर्जुन राईको प्रस्तुतीमा रहेको उक्त गीतको बुधबार बरिष्ठ साहित्यकार भूपाल राईको प्रमुख आतिथ्यतामा एक कार्यक्रमका बीच लोकार्पन गरिएको छ ।
उक्त गीतको रचना टीका चाम्लिङले गर्नुभएको छ भने संगीत जसिहाङ राई र संगीत संयोजन भने शहास शाक्यको रहेको छ । संगीतमा डीग्री गर्नुभएकी गायीका राई सोलुखुम्बुको थुलुङ दुधकोशी गाउँपालिका–८ निवासी हुनुहुन्छ ।
चाबहिलको एक होटलमा उक्त गीतको लोकार्पण पछि बरिष्ठ साहित्यकार राईले गीतको शब्द र संगीत उत्कृष्ट रहेको भन्दै प्रशंसा गर्नुभयो । मौलिकता र सरलतामा ‘जुनेली देख्दा’ पाईएको उहाँको भनाई छ ।
समाज रुपान्तरणका निम्ती गीत संगीतले खेलेको भूमिका उच्च रहेको भन्दै उहाँले राज्यले समेत बुझ्न आवश्यक रहेको बताउँनुभयो । एक दुई वटा गीत लेख्दैमा रचनाकार, एक दुई वटा गीत गाउँदैमा गायककार नहँुने भन्दै यसमा निरन्तरता आवश्यक रहेकोमा जोड दिनुभयो ।
यस्तै बरिष्ठ संगीतकार जसिहाङ राईले गीत संगीतमा प्रयोग हुने शब्द नै आजको सांगीतिक क्षेत्रको चुनौती रहेको बताउँनुभयो । जसको लागि सर्जक र गायकले विशेष ध्यानपु¥याउनुपर्नेमा जोड दिनुभयो ।
Discussion about this post