सोलुखुम्बु । सोलुखुम्बुको छेस्काम स्थित छेस्काम मावि छेस्कामका निर्वतमान विद्यालय व्यवस्थापन समिति अध्यक्ष विद्याराज कुलुङमाथि हातपात भएको ।
शनिबार बेलुकी १० बजेतिर मनिस राईको समूहले निर्वतमान अध्यक्ष विद्याराज कुलुङमाथि हातपात गरेको विद्यालय स्रोतले जनाएको छ ।
विद्यालय स्रोतका अनुसार नवनिर्वाचित अध्यक्ष किसोर कुलुङलाई स्वागत गर्ने तयारी गर्दै गर्दा यस्तो घटना घटेको हो ।
विद्यालय प्रशासनले नवनिर्वाचित समितिलाई स्वागतका लागि खादा मालाको तयारीको क्रममा रहदा अर्को पक्षले सिसि क्यामेरा, ल्यापटप र रेकर्डर लगायत अन्य सामाग्रीहरु तोडफोड गरेका हुन । साथै ती समूहले विद्यालयका अन्य केही सामाग्री जफत समेत गरेको विद्यालयका प्रद्यानाध्यापक गुरु थुलुङले जानकारी दिनुभयो ।
राजनितिक विवादको कारण विद्यालयमा करोडौँको क्षति हुन पुगेको भन्दै प्रद्यानाध्यापक थुलुङले यस्तो घटना विद्यालय प्रशासनमा हुनु निन्दनिय भएको बताउनुभएको छ ।
उहाँले घटना सम्बन्धि जिल्ला प्रशासन कार्यालयमा जानकारी गराईसकेको र अब यसको दोषिलाई कडा कारबाही हुनुपर्ने माग समेत गर्नुभएको छ ।
तस्बिर विद्यालय स्रोतबाट प्राप्त
