मेरापिक निकुञ्ज बनाउने विषयमा वातावरण मन्त्री आलेको सकारात्मक प्रतिक्रिया

काठमाडौ । सोलुखुम्बु जिल्ला प्रदेश क र ख सभासद उत्तम कुमार बस्नेत र बुद्दिकुमार राजभण्डारीले वन तथा वातावरण मन्त्री प्रेम बहादुर आलेसंग भेट गर्नुभएको छ ।
मंगलबार वन तथा वातावरण मन्त्रालय सिंहदरबारमा भएको भेटमा मेरापिक निकुञ्ज बनाउने विषयमा छलफल गर्नुभएको थियो ।
वन तथा वातावरण मन्त्री प्रेम बहादुर आलेले मेरापिक निकुञ्ज बनाउने विषयमा आफु गम्भीरताका साथ अगाडि बढ्ने बताउनुभएको छ । उहाँले यस विषयमा सकारात्मक रहेको जानकारी दिनुहुँदै पुर्व मन्त्री शक्ति बस्नेतले अघि बढाएको कार्यलाई निरन्तरता दिदै कार्यन्वनमा समेत जोड दिने आश्वासन दिनुभयो ।
१ नम्बर प्रदेश सभासद तथा नेकपाका प्रमुख सचेतक बुद्दिकुमार राजभण्डारीले सोलुखुम्बु र संखुवासभा जिल्लाको बिचमा पर्ने मकालु वरुण रास्ट्रीय निकुञ्जबाट आउनुपर्ने राजश्व समेत जिल्लाले नपाएको जानकारी गराउनुभयो । प्रमुख सचेतक राजभण्डारीले स्थानीयको माग पुरा गर्दै कार्यान्वयनमा जोड दिनका लागि आग्रह समेत गर्नुभयो ।
प्रदेश ख का सभासद उत्तम कुमार बस्नेतले मेरापिक निकुञ्ज बनाउनाले मकालु वरुणको संरक्षण हुने साथै पर्यटन क्षेत्रलाई प्रबर्द्धन गर्न सकिने बताउनुभयो । सभासद बस्नेतले बुङ क्षेत्रलाई अधिकार सम्पन्न बनाउन सकिने जानकारी गराउनुहुदै मेरापिक निकुञ्जको निर्माण गर्नाले जिल्लामा राजस्व भित्र्याउन सकिने कुरामा कुनै दुइमत नहुने उल्लेख गर्नुभयो ।