काठमाडौं । काठमाडौं महानगरपालिका १४ सोल्टीमोडबाट बिल नभएका विभिन्न समानसहित २ जनालाई प्रहरीले पक्राउ गरेको छ ।
पक्राउ पर्नेमा भारत राजस्थान लक्षमणगढ घर भई काठमाडौं ओमवहाल बस्ने ३६ वर्षीय राकेशकुमार र भारत राजस्थान सिमर घर भएका ५२ वर्षीय वनवारी चौधरी रहेको महानगरीय प्रहरी वृत्त कालिमाटीले जनाएको छ।
उनीहरुको साथबाट १ सय १२ थान मोबाइल, ३ सय २० थान विभिन्न मोबाइल डिस्प्ले, ५ सय ९३ थान विभिन्न ब्रान्डका ब्याट्री, १९ हजार ५ सय थान घडीको ब्याट्री, ६ हजार थान क्याल्कुलेटर र ५ थान मोबाइल डिस्प्ले बोर्ड बरामद गरिएको प्रहरी प्रधान कार्यालयले जनाएको छ। उक्त घटनाको विषयमा प्रहरीले अनुसन्धान गरिरहेको छ।
