भिडभाड हुने कार्यक्रम नगर्न स्वास्थ्य मन्त्रालयको आग्रह

काठमाण्डौ – छिमेकी देश भारतलगायत अन्य देशमा कोरोना सङ्क्रमितको सङ्ख्या बढ्दै गएको कारण नेपालमा पनि स्वास्थ्य सुरक्षा सतर्कता बढाउन सरकारले आग्रह गरेको छ ।

मन्त्रालयले आइतवार विज्ञप्ति निकालेर सभा, जुलुस, गोष्ठीलगायतका भिडभाड हुने कार्यक्रम नगर्न स्वास्थ्य मन्त्रालयले अनुरोध गरेको छ ।

विज्ञप्तिद्धारा सामाजिक र भौतिक दूरी, मास्कको अनिवार्य प्रयोग तथा साबुनपानीले राम्रोसँग हात धुने, स्यानिटाइजरको प्रयोगलगायत जनस्वास्थ्यका मापदण्ड पालना गर्न आग्रह गरिएको छ ।

भारतमा पछिल्लो २४ घण्टामा ४३ हजार ८४६ जनामा कोरोना भाइरस संक्रमण पुष्टि भएको छ । सङ्क्रमण फैलिएपछि केही ठाउँमा लकडाउन गरिएको छ भने केही ठाउँमा कडाइ गरिएको छ ।