काठमाण्डौ – पछिल्लो २४ घण्टामा नेपालमा एक सय ४५ जनामा कोरोना भाइरसको सङ्क्रमण पुष्टि भएको छ ।
स्वास्थ्य मन्त्रालयको तथ्यांक अनुसार कोरोना सङ्क्रमणबाट ज्यान गुमाउनेको सङ्ख्या तीन हजार २० पुगेको पुगेको छ ।
३९ सय ६३ जनाको पीसीआर परीक्षण गर्दा एक सय ४५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना भाइरसको सङ्क्रमण पुष्टि हुनेको सङ्ख्या दुई लाख ७६ हजार तीन सय ८९ पुगेको छ ।
यस्तै पछिल्लो २४ घण्टामा ९० जना निको भएसँगै कोरोना सङ्क्रमणमुक्त हुनेको सङ्ख्या दुई लाख ७२ हजार एक सय ८७ पुगेको छ ।
अहिले नेपालमा ११ सय ८२ जना सक्रिय सङ्क्रमित रहेका छन् भने कोरोना सङ्क्रमणबाट एक जनाको ज्यान गएको स्वास्थ्य मन्त्रालयले जनाएको छ ।
Discussion about this post