किबीको बजार व्यवस्थापन नहुँदा कृषकलाई समस्या

सोलुखुम्बु । किबीको उत्पादन राम्रो भएपनि बजारीकरणको व्यवस्थापन नभएको सोताङ गाउँपालिकाका कृषकहरुको गुनासो रहेको छ । उत्पादन राम्रै हुँदै आएपनि बिक्रि वितरणको लागि समस्या भएको कृषकहरुको भनाई छ ।
सोताङ गाउँपालिका ५ मानेदाका कृषक डाकमान थापाले विगत ४ वर्षदेखि किबि खेति गरेको बताउनुभएको छ । उहाँले सात लाख लगानिमा शुरु गरेको किबि खेतिबाट राम्रो उत्पादन लिन सकेको बताउँदै बजार अभाव हुँदा आम्दानि लिन नसकेको गुनासो गर्नुभयो । खेतिलाई विस्तार गर्ने योजना बनाएर एक वर्ष अगाडि सोताङ गाउँपालिमा झरना किबि फार्म दर्ता गरेर किबी खेति गरीरहेको उहाँको भनाई छ । उत्पादन भएका फलहरु गाउँमा सीमित रकममा बिक्रि गर्नुपरेको गुनासो गर्दै बजारको व्यवस्थापन गर्नका लागि गाउँपालिकाले पहल गर्नुपर्ने उहाँले अनुरोध समेत गर्नुभयो ।
यस्तै सोताङ गाउँपालिका ५ कै शिव बहादुर थापाले पनि पाँच लाख लगानिमा किबि खेतिको शुरुवात गरेको बताउनुभएको छ । किबि प्रशोधन केन्द्र बनाउने लक्ष्यका साथ खेति शुरु गरेको उहाँको भनाई छ । व्यवसायिक रुपमा खेति गरेर आम्दानि लिने विचार भएपनि बजारको अभाव हुँदा बिक्रि वितरयामा समस्या भएको उल्लेख गर्नुभयो । उहाँले गाउँपालिकाले बजारको व्यवस्थापन गरेर आर्थिक स्तरमा आत्मनिर्भर बनाउने किसीमको व्यवसायमा जोड दिँदै कृषकलाई हौसला मिल्ने किसीमको कार्यक्रम ल्याउन समेत माग गर्नुभयो ।