एसईईको नतिजा असारको तेस्रो साता सार्वजनिक हुने

काठमाडौँ । वि.सं. २०८१ चैत ७ गतेबाट सुरु भएको एसईई परीक्षाको नतिजा यही असारको तेस्रो सातासम्ममा सार्वजनिक हुने भएको छ ।

परीक्षा नियन्त्रण कार्यालय सानोठिमी भक्तपुरले नतिजा प्रकाशनका लागि बिहानदेखि बेलुकासम्म तीव्र गतिमा काम भइरहेको जनाएको छ ।

एसईईको नतिजा प्रकाशनका लागि बिहानदेखि बेलुकासम्म काम भइरहेको  र असारको तेस्रो सातासम्ममा नतिजाको सार्वजनिक गर्ने तयारी रहेको  परीक्षा नियन्त्रक डा. गणेश भट्टराईको भनाइ छ ।

गत वर्षको माध्यमिक शिक्षा परीक्षा (एसइई) मा पाँच लाख १० हजार परीक्षार्थी सहभागी भएका थिए ।