नेपालमा कोरोना सङ्क्रमितको संख्या ४५ हजार भन्दा बढि

काठमाडौँ । नेपालमा कोरोना सङ्क्रमितको संख्या ४५ हजार दुई सय ७७ पुगेको छ ।

शनिबार काठमाण्डौ उपत्यकामा चार सय आठ जनामा कोरोना सङ्क्रमण पुष्टि भएको छ । अब नेपालमा १७ हजार ८७० जना सक्रिय सङ्क्रमित छन् ।

पछिल्लो २४ घण्टामा मोरङका ४ जना, काठमाडौंका ३, पर्साका २ र नवलपरासी, रुपन्देही र महोत्तरीका एकएक जनाको मृत्यु भएको छ ।

बितेको २४ घण्टामा नौ जना कोरोना सङ्क्रमितको ज्यान गएसँगै कोरोना सङ्क्रमणबाट ज्यान गुमाउनेको संख्या दुई सय ८० पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १२ हजार चार सय ७३ जनाको पीसीआर परीक्षण गरेकोमा एक हजार ४१ जनामा सङ्क्रमण पुष्टि भएको छ । जसमध्ये एक सय ६७ जना आईसीयू र २४ जना भेन्टिलेटरमा रहेका छन् ।