धनकुटा । धनकुटामा आजबाट निषेधाज्ञा हटेको छ । जिल्ला संकट व्यवस्थापन समिति (डीसीसीएमसी) को बैठकले सीमामा कडाइ गर्दै निषेधाज्ञा हटाउने निर्णय गरेसगैँ निषेधाज्ञा हटाईएको हो ।
बैठकले कोरोना भाइरसको सङ्क्रमण अवस्था रहेका जिल्लासँग जोडिएका नाकामा बाह्य आगमनलाई रोकेर व्यवसायलाई सुरु गर्ने निर्णय गरेको सहायक प्रमुख जिल्ला अधिकारी भोजराज श्रेष्ठले बताउनुभयो ।
तराईका जिल्लासँग जोडिएका ठाउँबाट आउने गाडी तथा सर्वसाधारणको आवागमनलाई रोकेर अन्य मापदण्ड अनुसार खोल्ने निर्णय भएको सहायक प्रमुख जिल्ला अधिकारी भोजराज श्रेष्ठले बताउनुभयो ।
कोरोना सङ्क्रमण बढिरहेको कारण स्थानीय प्रशासनले निषेधाज्ञा बढाएर भदौ २२ गतेसम्म लम्ब्याएको थियो ।
