काठमाण्डौ – प्रधानमन्त्रीले केपी शर्मा ओलीले कोरोना भाईरसको प्रभावविरूद्ध टेलिभिजन र रेडियोलगायत सञ्चार माध्यमबाट परामर्श र चेतना फैलाउन आवश्यक रहेको बताउनुभएको छ ।
उहाँले यसबारे परामर्श तथा सचेतना अभियान सञ्चालन गर्नमा मनोचिकित्सकको सक्रिय योगदान रहनुपर्ने उल्लेख गर्नुभयो ।
प्रधानमन्त्री निवास बालुवाटारमा मनोचिकित्सकसँगको परामर्श र छलफलका क्रममा उहाँले कोभिड–१९ का कारण उत्पन्न मनोसामाजिक समस्याको समाधान गर्न तत्काल योजना बनाएर अघि बढ्न स्वास्थ्य तथा जनसङ्ख्या मन्त्रालयका अधिकारी र निजी क्षेत्रका निकायलाई निर्देशन समेत दिनुभएको छ ।
