स्वास्थ्य सुरक्षा मापदण्ड कार्यान्वयनमा कडाइ गर्दै निषेधाज्ञा खुकुलो पार्न माग

काठमाण्डौँ । काठमाण्डौँ उपत्यकाको नगरपालिका फोरमले सुरक्षा सतर्कता र स्वास्थ्य सुरक्षा मापदण्ड कार्यान्वयनमा कडाइ गर्दै जारी निषेधाज्ञा खुकुलो पार्न माग गरेको छ ।

ललितपुर महानगरपालिकाका मेयर चिरिबाबु महर्जनले काठमाण्डौ भित्रिने र बाहिरिने नाकाको आवागमनमा थप कडाइ गर्नसमेत सरकारलाई सुझाव दिनुभयो ।

नेपाल प्रहरी शान्ति सुरक्षा तथा अपराध नियन्त्रणका काममा समेत सहभागी हुनुपर्ने भएकाले नाकाको सुरक्षाको जिम्मा नेपाली सेनालाई दिनुपर्ने फोरमको निष्कर्ष जिकालेको छ ।

काठमाण्डौमा मङ्गलबार बसेको फोरमको बैठकले सार्वजनिक यातायात बाहेकको सवारी सञ्चालनमा जोरबिजोर लागू गर्न स्थानीय प्रशासनलाई सुझाव दिएको छ ।