विश्व आत्महत्या रोकथाम दिवस मनाइँदै

काठमाण्डौँ । आज विश्व आत्महत्या रोकथाम दिवस मनाइँदै छ ।

समस्यालाई नजिकका साथि वा आफन्तलाई बाँड्न सके तनाव कम हुने विज्ञले बताएका छन् । सकारात्मक कुराहरु सोच्न र नियमित व्यायाम गर्न पनि विज्ञको सुझाव छ ।

आर्थिक, सामाजिक, पारिवारिक समस्या र मानसिक तनाव झेल्न नसकेर आत्महत्या हुने गरेको पाईएको छ ।

नेपालमा कोरोना भाइरसको महामारीसँगै आत्महत्या गर्ने २० देखि ३० प्रतिशत बढेको स्वास्थ्य मन्त्रालयले जनाएको छ ।

गएको चैत्र १० गतेदेखि साउनसम्म झण्डै २ हजार २ सय १८ जनाले आत्महत्या गरेको तथ्याङ्क छ । कोरोना सङ्क्रमणको यो बेला औसत दैनिक १९ जनाले आत्महत्या गरेका छन् ।

विश्व स्वास्थ्य संगठनको अनुसार विश्वमा हरेक वर्ष आत्महत्याका कारण ८ लाखभन्दा बढी मानिसको ज्यान जाने गरेको छ ।