काठमाडौं । विषाक्त रसायनयुक्त स्यानिटाइजर उत्पादन गर्ने ५ वटा उद्योगलाई औषधि व्यवस्था विभागले कारबाही गरेको छ ।
विभागले काठमाडौंका ४ र भक्तपुरको एक उद्योगलाई कारबाही गरेको हो ।
स्यानिटाइजरहरुमा विषाक्त रसायन मेथानोल समावेश भएको पाइएकाले कारबाही रेको विभागले जनाएको छ ।
यो विषाक्त रसायनले मानव स्वास्थ्यमा गम्भीर असर पार्ने विभागले जारी गरेको सूचनामा उल्लेख छ ।
कारबाहीमा पर्ने उद्योगहरुमा काठमाडौंस्थित हाइजिन सोप एण्ड केमिकल प्रालि, आधार केमिकल एण्ड फुड इन्डष्ट्री, सर्च केम कम हर्बल प्रडक्ट्स र सूर्यमुखी हर्बल प्रडक्ट्स छन् ।
यसैगरी भक्तपुरको नेपाल कायाकल्प उद्योग पनि कारबाहीमा परेको छ ।
