काठमाडौँ । सम्झौताअनुसार रासायनिक मल आयात नगरी मलको अभाव सिर्जना गराउने दुई ठेकदारबिरुद्धको कारबाही रोक्न उच्च अदालत पाटनले अल्पकालीन अन्तरिम आदेश जारी गरेको छ ।
केन्द्रले शैलुङ इन्टरप्राइजेज र होनिको मल्टिपललाई कालो सूचीमा राखी कारबाही अगाडि बढाउन सिफारिस गरेको हो।
न्यायाधीश रमेशप्रसाद भण्डारीको एकल इजलासले शारदाप्रसाद अधिकारीको शैलुङ इन्टरप्राइजेज र हुमनाथ कोइरालाको होनिको मल्टिप्रपोज कम्पनीविरुद्ध गरेको सम्झौता खारेज तथा बैंक ग्यारेण्टी जफतको कारबाही कार्यान्वयन नगर्न कृषि सामग्री कम्पनीको नाममा अल्पकालीन अन्तरिम आदेश जारी गरेको हो ।
उक्त निर्णयविरुद्ध ठेकदार कम्पनी रिट निवेदन लिएर उच्च अदालत गएका थिए । उक्त रिटमाथि सोमबार सुनुवाई गर्दै उच्च अदालतले दुबै पक्षलाई भदौ ३१ गते छलफलमा बोलाएको छ ।
