उपत्यकामा आजदेखि सार्वजनिक गाडीको अनुगमनमा थप कडाइ

काठमाण्डौँ । उपत्यकामा ट्राफिक प्रहरीले आजदेखि सार्वजनिक गाडीको अनुगमनमा थप कडाइ गरेको छ । आजदेखि अनुगमन तीव्र पारेर नियम नमान्नेलाई कारबाही गर्ने महानगरीय ट्राफिक प्रहरी महाशाखाले जनाएको छ ।

कोरोना भाइरसबाट यात्रुमाथि हुने जोखिमलाई मध्यनजर गरी उपत्यकाका मुख्य(मुख्य बसपार्क एवं भीडभाड हुने क्षेत्रमा चेक प्वाइन्ट राखेर गाडीमा स्वास्थ्य मापदण्ड पालना गरे नगरेको लगायतका कुरालाई मध्यनजर गर्दै अनुगमनलाई तीव्र पारेको महाशाखाका प्रमुख प्रहरी वरिष्ठ उपरीक्षक भीमप्रसाद ढकालले जानकारी दिनुभयो ।

सिट क्षमताभन्दा बढी यात्रु राखे नराखेको, भीडभाड गरेरनगरेको, यात्रुहरूले मास्क लगाए नलगाएको, बढी भाडा लिएरनलिएको, कोरोना भाइरस सङ्क्रमणमुक्त गर्ने गरी स्यानिटाइजर छर्केर मात्रै सञ्चालन गरेरनगरेको जस्ता स्वास्थ्य मापदण्ड पालना गरेरनगरेको अनुगमन हुनेछ ।

हिजो मापदण्ड पालना नगर्ने ४ सयभन्दा बढी भाडाका गाडीलाई सम्झाइबुझाइ गरेको पनि महाशाखाले जनाएको छ । स्वास्थ्य मापदण्ड पालना नगरेको वा तोकिएको भन्दा बढी भाडा लिएमा नजिकको ट्राफिक प्रहरी वा ट्राफिक प्रहरीको हटलाइन १ सय ३ मा फोन गर्न पनि महाशाखाका प्रमुख प्रहरी वरिष्ठ उपरीक्षक ढकालले आग्रह गर्नुभएको छ।