सरकार र डाक्टर केसी पक्षबीचको वार्ता असफल

काठमाण्डौँ । सरकार र अनशनरत डाक्टर गोविन्द केसी पक्षबीचको वार्ता बिना निश्कर्ष टुङ्गिएको छ ।

छ बुँदे माग राखेर अनसनरत डा. केसी पक्ष र सरकारी टोलीबीच बिहीबार भएको वार्तामा सहमति जुटन नसकेको हो।

दुई वार्ता टोली बसेर टुंगो लगाउने र डा. केसीको अनसन शुक्रबार नै तोडाउने तयारी भएपनि केही बुँदामा थप छलफल गर्नुपर्ने भएकाले वार्ता हुन नसकेको स्रोतको भनाइ छ । यद्यपि वार्ताका लागि आफुहरु जुन समयमा पनि तयार रहने डा. पक्षले बताएका छन् ।

गएको भदौ २९ गते डाक्टर केसीले जुम्लाको धर्मशालामा अनशन सुरु गर्नुभएको थियो । डाक्टर केसी अनशनमा बस्नुभएको यो १९ औं पटक हो ।