काठमाडौँ । नेपाल राष्ट्र बैंकका कुनै पनि कार्यालयबाट नयाँ नोट वितरण नहुने राष्ट्र बैंकले जनाएको छ ।
नेपाल राष्ट्र बैंक, मुद्रा व्यवस्थापन विभागले आइतबार सूचना प्रकाशित गर्दै यो वर्ष दशैंको अवसरमा नयाँ नोट वितरण नहुने जानकारी गराएको हो ।
विश्वव्यापी महामारी कोरोना भाइरसको संक्रमण नेपालमा समेत तीव्र गतिमा बढ्दै गएको भन्दै यो वर्ष नयाँ नोट वितरण नहुने राष्ट्र बैंकले स्पष्ट पारेको हो ।
बैंकले बडा दशैंलगायत चाडबाडमा सर्वसाधारणका लागि साना दरका नयाँ नोटको सटही व्यवस्थापन गर्दै आएको थियो ।
नयाँ नोट सटहीका कारण अझ बढी भिडभाड हुने भएकाले यसले सर्वसाधारणमा परेको असुविधाप्रति क्षमासमेत मागेको छ ।
