सोलुखुम्बु । प्रदेश १ का सचिवालय सदस्य तथा पूर्वराज्य मन्त्री उत्तम कुमार बस्नेतले पाँच दलिय गठबन्धन अप्राकृतिक गठबन्धन रहेको बताउनुभएको छ । उहाँले गठबन्धले एमालेलाई पछि पार्ने भन्दा पनि समाजलाई पछि धकेल्ने उल्लेख गर्नुभयो ।
पूर्वराज्य मन्त्री बस्नेतले गठबन्धनसँगै देशमा संकट भित्रिएको बताउनुभयो । उहाँले राजनितिक विचार र उद्धेश्य नमिल्नेहरुका बिच गठबन्धन भएको बताउँदै गाइजात्रा पाराको गठबन्धनले मुलुकलाई अघि नबढाउने आरोप लगाउनुभयो ।
नेकपा एमाले पाँच दलिय गठबन्धनको विरोध गर्दै आफु एक्लै निर्वाचनमा जाने तयारी गरिरहेको छ । तर सांसद बस्नेतले गठबन्धनको विरोध नभइ जनतालाई सचेत मात्र गराएको उल्लेख गर्नुभयो ।
