थुलुङ दुधकोशी गाउँपालिका अध्यक्षमा आङ बाबु राई, उपाध्यक्षमा कल्पना बस्नेतको उमेदद्धारी

सोलुखुम्बु । नेकपा एमालेले थुलुङ दुधकोशी गाउँपालिका प्रमुखमा आङ बाबु राईको उमेद्धद्धार घोषणा गरेको छ । गाउँपालिका कमिटिको शुक्रबार सम्पन्न बैठकले अधिवत्ता भएर लामो समय काम गर्नुभएका राईलाई गाउँपालिका अध्यक्षमा सर्वसम्मत उमेद्धद्धारीको घोषणा गरेको हो ।

यस्तै गाउँपालिका उपाध्यक्षमा कल्पना बस्नेतको नाम घोषणा गरेको हो ।
नेकपा एमाले प्रदेश एक सचिवालय सदस्य महेस किरातीले उमेद्धद्धारी घोषणा गर्नुहुँदै इमानदार, सामाजिक तथा बौद्धिक व्यत्तित्वलाई गाउँपालिका प्रमुख तथा उप–प्रमुखमा चयन गरिएको उल्लेख गर्नुभयो । उहाँले थुलुङ दुधकोशी गाउँपालिकामा नेकपा एमालेको जितको सुनिश्चित रहेको समेत दावि गर्नुभयो ।
यसैगरि गाउँपालिका कमिटिको आज सम्पन्न बैठकले वडा नम्बर १, २, ४ र वडा ५ को उमेद्धद्धारको टुंगो लगाएको छ ।
वडा नम्बर १ नेलेको वडा अध्यक्षमा गोरे थापा मगरलाई चयन गरिएको छ भने वडा नम्बर २ काँगेलमा उदयनारायण बस्नेतलाई पुन वडा अध्यक्षमा दोहोर्याएको छ । वडा ४ मा श्याम कुमार गुरुङ र वडा नम्बर ५ जुवुमा झमक बस्नेतलाई चयन गरिएको थुलुङ दुधकोसी गाउँपालिका प्रचार प्रसार विभाग प्रमुख सीमसन राइले जानकारी दिनुभयो ।
प्रचार विभाग प्रमुख राइका अनुसार वडा ३ पंचन, वडा नम्बर ६ मुक्ली, वडा ७ र ८ देउसा साथै वडा नम्बर ९ लोखिममा उमेद्धद्धारीको चयन गर्न बाँकी रहेको छ ।