नेकपा एमाले गाउँपालिका कमिटि नेचासल्यान सोलुखुम्बुद्धारा प्रेस विज्ञप्ति जारी, भ्रामक प्रचारप्रति ध्यानाकर्षण

सोलुखुम्बु । नेपाल कम्यनिष्ट पार्टि एमाले गाउँपालिका कमिटि नेचासल्यान सोलुखुम्बुले प्रेस विज्ञप्ति जारी गरेको छ । नेचासल्यान गाउँपालिका अध्यक्षका उमेद्धार डुफकुमार बास्तोलाविरुद्ध एक अनलाईनले गरेको भ्रामक र नकारात्मक प्रचारप्रति प्रेस विज्ञप्ति मार्फत ध्यानाकर्षण गराइएको छ ।
निर्वाचन आचारसंहिता विपरीत व्यक्तिको मानमर्दन गर्ने उद्धेश्यले वैशाख २३ गते शुक्रबारको दिन एक अनलाइन पोर्टलमा प्रकाशित नेचासल्यान गापा अध्यक्ष डुफकुमार बास्तोलाविरुद्ध भ्रष्टाचारको मुद्धा अख्तियारमा शीर्षकको समाचार खेदपूर्ण रहेको रहेको प्रेस विज्ञप्तिमा उल्लेख गरिएको छ । झण्डै आठ महिना अघि दर्ता गरिएको बेनामे उजुरीलाई आधार बनाएर निर्वाचनको पूर्वसन्ध्यामा समाचार प्रकाशित गरिनु बदनियतपूर्ण र नियोजित ढंगबाट प्रशारण गरिएकोप्रति आपत्ति जनाइएको छ ।
समाचारमा प्रकाशन गरिएका विवरणहरु गाउँपालिकाको प्रगति समिक्षा बैठकमा पेश गरिएको आधिकारिक तथ्यांकलाई बंग्याएर गोप्य कागजात जस्तो गरि प्रकाशन गरिनु गैरजिम्मेवारी रहेको साथै झुटो प्रमाण स्वरुप पेश गरिएको विज्ञप्तिमा उल्लेख गरिएको छ । यस्तै प्रशासनिक वा दैनिक कार्य सञ्चालनसँगै विद्यालयमा इन्टरनेट जडान तथा सवारी साधन मर्मत र संचालन सम्बन्धि खर्चहरु उल्लेख गरिएको विवरणलाई गलत ढंगले समाचारमा प्रकाशन गरिएको विषयमा ति प्रेस विज्ञप्ति मार्फत ध्यानाकर्षण गराइएको छ ।
यस्तै एमालेविरुद्ध भ्रामक समाचार सम्प्रेषण गर्ने सञ्चारमाध्यम र सम्पादकलाई समाचार सम्प्रेषणका विषय र लगाइएका आरोप प्रमाणित गरेर देखाउनका लागि विज्ञप्तिद्धारा चुनौति दिइएको छ । भ्रमपूर्ण यस्ता समाचारले संचार माध्यमको विश्वसनियतामाथि प्रश्न उठ्न सक्ने भएकाले यसतर्फ गम्भिर हुन सम्बन्धित पक्षलाई ध्यानाकर्षण गराउदै विधिको शासन, आर्थिक पारदर्शिता र जनउत्तरदायि स्थानिय सरकार निर्माणप्रति नेकपा एमाले दृढ रहेको प्रेस विज्ञप्तिमा उल्लेख गरिएको छ ।
यस्तै भ्रमपूर्ण, तथ्यहिन र अर्नगल प्रचारबाट विचलित नभइ आसन्न स्थानिय निर्वाचनमा उमेद्धारलाई जिताउन सशक्त भूमिका निर्वाह गर्दै नेकपा एमालेको चुनाव चिन्हमा मतदान गर्नका लागि आह्वान समेत गरिएको छ ।