आफुमाथि लगाइएका आरोप प्रमाणित गरेर देखाउन नेकपा एमाले सोलुखुम्बुका अध्यक्ष बास्तोलाको चुनौति

सोलुखुम्बु । नेकपा एमाले सोलुखुम्बुका अध्यक्ष डुफ कुमार बास्तोलाले आफुमाथि लगाइएका लान्छना र आरोप प्रमाणित गरेर देखाउन चुनौति दिनुभएको छ ।

आगामि वैशाख ३० गते हुने स्थानिय तह निर्वाचनका लागि नेचासल्यान गाउँपालिका अध्यक्षका उमेद्धार समेत रहनुभइएका बास्तोलाले एक अनलाइनमा प्रकाशित समाचारप्रति आपत्ति जनाउदै आरोप प्रमाणित गरेर देखाउन चुनौति दिनुभएको हो । आफुले भ्रष्टाचारको नाममा एक रुपँैया तलमाथि गरेको प्रमाण भेटिएमा कारबाहि भोग्न समेत तयार रहेको बताउनुभएको छ ।

एमालेका उमेद्धार बास्तोलाले नेकपा एमालेले जित हासील गर्दै गर्दा आफुलाई बदनाम गर्नका लागि विपक्षी पार्टिले रचेको षडयन्त्रप्रति आपत्ति जनाउनुभएको छ ।

आफनो पाँच वर्षे कार्यकालमा गरेको कामले आफु जनताको आँखाको नानि बन्न सफल भएको बताउनुहुँदै अब आउने निर्वाचनमा नेकपा एमालेको जीत हुने सुनिश्चित भएकाले विपक्षी पार्टिको छाति पोलेको उल्लेख गर्नुभयो ।