पालिकामा गरेको चौतर्फी विकास नै जितको मूख्यआधार हो’-उध्यक्ष उमेद्धार बुद्धि किरण राई

सोलुखुम्बु । माप्यदुधकोशी गाउँपालिका अध्यक्षका प्रत्यासी बुद्धि किरण राईले पाँच वर्षको अवधिमा पालिकामा गरेको चौतर्फी विकास नै आफनो जितको मूख्यआधार रहेको बताउनुभएको छ । नेकपा एमालेबाट पालिका अध्यक्षका प्रत्यासी राईले जनताको पक्षमा उल्लेखनिय काम गरेको बताउनुहुँदै फेरि पनि जनताले आफनो पक्षमा मत दिने कुरामा आफु विश्वस्त रहेको समेत उल्लेख गर्नुभयो ।

उहाँले विपक्षि पार्टिले जति कटाक्ष गरेतापनि आफुले गरेको राम्रो काम सधैँ उदाहरणिय हुने उल्लेख गर्नुभएको छ । पालिकामा विद्यालय भवन, सडक, पुल, खानेपानि, विधुत लगायतको क्षेत्रमा नागरिकलाई प्रत्यक्ष सुविधा दिलाउन सकेको बताउनुहुँदै अब आउने पाँचवर्ष भित्र पालिकामा विकासले फड्को मार्ने दावि गर्नुभयो ।

आफुले गरेको कामलाई विपक्षी पार्टिले प्रशंसा गर्न नसकेर आरोप मात्र लगाएको बताउनुहुँदै पाँच वर्षको अवधिमा पालिकामा विकासको जग बसाएर विकास गर्न सफल भएको दावि गर्नुभयो ।

जनताको जीवनस्तर उकास्ने किसीमको काम गर्न सफल भएकाले जनताले नै स्यावासी दिएको विपक्षी पार्टिले देखिनसहेकोे बताउँदै अबको जीतले पनि विपक्षी पार्टिमा हलचल ल्याउने साथै बेचैनी दिलाउने दावि गर्नुभयो ।