सोलुखुम्बु । सोलुखुम्बुको आठ स्थानिय तहमध्ये चार वटा स्थानिय तहमा मतगणना सकिएको छ । अन्य चार स्थानिय तह नेचासल्यान गाउँपालिका, सोताङ गाउपालिका, सोलुदुधकुण्ड नगरपालिका र महाकुलुङ गाउँपालिकामा भने मतगणना भइरहेको छ ।
जिल्लाको माप्य दुधकोशी गाउँपालिका, थुलुङ दुधकोशी गाउँपालिका, खुम्बुपासाङल्हमु गाउँपालिका र लिखुपिके गाउँपालिका मतगणना सकिएको हो ।
माप्य दुधकोशी गाउँपालिका अध्यक्षमा नेकपा एमालेका बुद्धि किरण राई निर्वाचित हुनुभएको छ । उहाँले ३३४३ मत प्राप्त गर्नुभएको छ । उपाध्यक्ष पदमा गठबन्धनबाट नेकपा माओवादी केन्द्रका गौरव राई निर्वाचित हुनुभएको छ । उहाँको ३०७७ मत रहेको छ ।
थुलुङ दुधकोशी गापामा असिम राई निर्वाचित हुनुभएको छ । उहाँले ४०४९ मत प्राप्त गरि विजयि हुनुभएको हो । यस्तै उपाध्यक्षमा नेकपा माओवादी केन्द्रका सबिता राई निर्वाचित हुनुभएको छ । राईले ३८०० मत प्राप्त गर्नुभएको छ ।
खुम्बुपासाङल्हमु गाउँपालिकामा नेकपा एमालेका मिङमाछीरी शेर्पा २०२८ मतले निर्वाचित हुनुभएको छ । उहाँका प्रतिद्धन्दी नेपालि कांग्रेसका चुङवा शेर्पाले १६०९ मत प्राप्त गरेका छन ।
लिखुपिके गापामा मिना कार्की निर्वाचित हुनुभएको छ । उहाँको १२६० मत रहेको छ ।
