सोलुखुम्बु जिल्लामा नेकपा एमाले जनमतले जितेको एमालेका केन्द्रिय सदस्य राईको दावि

सोलुखुम्बु । नेकपा एमालेका केन्द्रिय सदस्य मानविर राईले सोलुखुम्बु जिल्लामा नेकपा एमाले जनमतले जितेको दावि गर्नुभएको छ । उहाँले गठबन्धन गरि नेपालि कांग्रेसले धेरै सिट जितेपनि नेकपा एमाले एक्लै निर्वाचन लडेर उल्लेख्य जनमत ल्याउन सकेको जिकिर गर्नुभयो ।
उहाँले राज्यशत्तिबाट असहयोग रहेको साथै प्रतिपक्ष दल नेकपा एमालेलाई निगरानिमा राखेको बताउनुहुँदै राज्यले प्रतिपक्ष दललाई उपेक्षा गरेको आरोप लगाउनुभएको छ ।
केन्द्रिय सदस्य राईले सत्तापक्षले प्रतिपक्ष दललाई निगरानिमा राखेर गठबन्धनलाई जिताउने भूमिका खेलेकोप्रति आक्रोस व्यत्त गर्नुभयो ।
२०७४ सालको निर्वाचनमा सबै पार्टि एक्ला एक्लै चुनाव लडेको तर यसपटकको निर्वाचनमा गठबन्धन गरिएको कारण नै जिल्लामा नेकपा एमालेले कम सिटमा जितेको उहाँको भनाइ छ ।