सोलुखुम्बुमा एमाले खुम्चियो, कांग्रेसले मार्यो बाजी

सोलुखुम्बु । २०७४ सालको स्थानिय तहको निर्वाचनमा गाउँपालिका प्रमुख र उपप्रमुखमा मात्र आठ सिट जितेको नेकपा एमाले यस पटक भने तीन सिटमा मात्र जीतेको छ ।
यस्तै नेकपा माओवादि केन्द्रले पालिका प्रमुख र उपप्रमुख गरि ५ सिटमा जितेको थियो भने नेपालि कांग्रेसले सोलुदुधकुण्ड नगरपालिका मेयर, थुलुङ दुधकोशी गाउँपालिका उपाध्यक्ष र नेचासल्यान गाउँपालिका उपाध्यक्ष गरि तीन सिट मात्र जितेको थियो ।
२०७४ सालको स्थानिय तहको निर्वाचनसँग तुलना गर्ने हो भने नेकपा एमालेलाई घाटा भएको छ भने नेपालि कांग्रेसलाई यस पटक फाइदा भएको छ । नेकपा माओवादि केन्द्रलाई पनि यस पटकको निर्वाचनमा घाटा भएको छ ।
२०७४ सालको स्थानिय तहको निर्वाचनमा तीन सिटमा मात्र जितेको नेपालि कांग्रेसले यस पटक नेकपा एमालेलाई बाजि मारेको छ । यसपटक भने नेपालि कांग्रेसले प्रमुख र उपप्रमुख गरि १० वटा सिटमा जित हासील गरेको छ । बाँकी ३/३ वटा सीटमा नेकपा एमाले र नेकपा माओवादिले जितेका छन ।
२०७४ सालको निर्वाचनमा सोलुदुधकुण्ड नगरपालिकाको मेयरमा नाम्गेल जाङ्बु शेर्पा र उपमेयरमा नेकपा एमालेकी कल्पना राई निर्वाचित भएकी थिइन । यसपटक भने मेयरमा पुनः शेर्पा दोहोरीएका छन भने उपमेयरमा नेपालि कांग्रेसकै गान्धीमाया तामाङ विजयी भएकी छीन ।
माप्य दुधकोशी गाउँपालिकाको अध्यक्ष र उपाध्यक्ष दुवै सिटमा नेकपा एमालेका बुद्धीकिरण राई र जुनिता माया मगर निर्वाचित भएका थिए । यसपटक पालिका अध्यक्षमा एमालेका बुद्धीकिरण राई पुनः दोहोरीएका छन भने उपाध्यक्षमा गठबन्धनबाट नेकपा माओवादि केन्द्रका गौरव राई निर्वाचित भएका छन ।
यस्तै सोताङ गाउँपालिका अध्यक्ष र उपाध्यक्ष दुवैमा नेकपा एमालेका वीर बहादुर राई र लक्ष्मी कार्की बस्नेत निर्वाचित भएका थिए भने यसपटक अध्यक्ष उपाध्यक्ष दुवैमा नेपालि कांग्रेसका खिलाराज बस्नेत र अञ्जु नाछिरीङ निर्वाचित भएका छन ।
यस्तै खुम्बुपासाङ ल्हमु गाउँपालिका अध्यक्ष र उपाध्यक्ष दुवैमा नेकपा एमालेका स्वर्गिय ङिम दोर्जि शेर्पा र उपाध्यक्षमा टासी शेर्पा निर्वाचित भएका थिए । यसपटक पनि अध्यक्ष र उपाध्यक्ष दुवैमा नेकपा एमालेका मिङमा छीरी शेर्पा र टासी शेर्पा निर्वाचित भएका छन । उपाध्यक्षमा टासी शेर्पा पुनः दोहोरीएकी हुन ।
थुलुङ दुधकोशी गाउँपालिका अध्यक्षमा नेकपा माओवादि केन्द्रका असिम राई र उपाध्यक्षमा नेपालि कांग्रेसकी सविता राई निर्वाचित भएका थिए ।
यसपटक पनि अध्यक्षमा नेकपा माओवादि केन्द्रका असिम राई र उपाध्यक्षमा सविता राई दोहोरीएका छन । सविता राई भने नेपालि कांग्रेसबाट माओवादि केन्द्रमा प्रवेश गरेकी हुन ।
यस्तै महाकुलुङ गाउँपालिकामा माओवादि केन्द्रकै सागर किराती र विपना कुलुङ निर्वाचित भएका थिए । यसपटक नेपालि कांग्रेसका सूर्य कुलुङ र विपना कुलुङ निर्वाचित भएका छन । विपना कुलुङ भने माओवादि केन्द्रबाट नेपालि कांग्रेस प्रवेश गरेकी हुन ।
लिखुपिके गाउँपालिका अध्यक्ष र उपाध्यक्ष दुवै सिटमा नेकपा माओवादि केन्द्रका डम्बर बस्नेत र उपाध्यक्षमा प्रमिला कार्की बस्नेत निर्वाचित भएका थिए । यसपटक भने दुवै सिटमा नेपालि कांग्रेसले जितेको छ । अध्यक्षमा मिना कार्की बस्नेत र उपाध्यक्षमा ङवाङ लाक्पा शेर्पा निर्वाचित भएका छन ।
२०७४ को निर्वाचनमा नेचासल्यान गाउँपालिकामा नेकपा एमालेका डुफ कुमार बास्तोला र उपाध्यक्षमा नेपालि कांग्रेसकी कुमारी देवि शर्मा निर्वाचित भएका थिए । यस पटकको निर्वाचनमा डुफ कुमार बास्तोलालाई पछि पार्दै नेपालि कांग्रेसका धनजन राईले जित हासील गरेका छन भने उपाध्यक्षमा नेपालि कांग्रेसकै बिना राई निर्वाचित भएकी छिन ।