कृषि र पर्यटन माप्यदुधकोशी गाउँपालिका प्रमुख राईको पहिलो प्राथमिकतामा

सोलुखुम्बु । माप्य दुधकोशी गाउँपालिकाका नवनिर्वाचित अध्यक्ष बुद्धिकीरण राईले भोलिदेखि पदभार ग्रहण गर्दैहुनुहुन्छ । दोस्रो कार्यकालका लागि निर्वाचित राईले आज सपथ ग्रहण गरेर भोलिदेखि पदभार ग्रहण गर्ने बताउनुभएको छ । उहाँले पदभार गरेकै दिनदेखि कृषि र पर्यटनलाई प्राथमिकतामा राखेर काम गर्ने प्रतिबद्धता जनाउनुभएको छ । पहिलो पाँच वर्षे कार्यकालमा सडक विस्तार, पुल निर्माण साथै पालिकामा आवश्यक भौतिक निर्माणमा जोड दिएको बताउनुहुँदै अब जनताको जिवनस्तर उकास्ने कार्यमा जोड दिने उहाँको भनाइ छ । उहाँले जनताको पक्षमा काम गरेकै कारण जनताले आफुलाई निर्वाचित गराएको बताउनुहुँदै पुनः जनताको हकहितमा काम गर्ने उहाँको भनाइ छ ।