११ महिनामा सवारी कार्वाहीबाट २७ लाख भन्दा बढि राजश्व संकलन

सोलुखुम्बु । जिल्ला ट्राफिक प्रहरी कार्यालय सोलुखुम्बुले चालु आर्थिक वर्ष २०७८/०७९ मा २७ लाख ३३ हजार पाँच सय राजश्व संकलन गरेको छ । गत साउन महिनादेखि जेष्ठसम्म ट्राफिक नियम उल्लंघन गर्ने ३७ सय २७ वटा सवारी तथा चालकलाई कार्वाही गरी राजश्व संकलन गरेको हो ।
जिल्ला ट्राफिक प्रहरी कार्यालय सोलुखुम्बुको तथ्यांक अनुसार वैशाख महिनामा तीन सय ७१ वटा सवारी कार्वाहीमा पर्दा दुई लाख ७४ हजार पाँच सय राजश्व संकलन भएको छ ।
यस्तै जेष्ठ महिनामा चार सय ७५ वटा सवारी कार्वाहीमा पर्दा तीन लाख ६९ हजार राजश्व संकलन भएको जिल्ला ट्राफिक प्रहरी कार्यालय सोलुखुम्बुका प्रमुख कृष्ण कुमार कटवालले जानकारी दिनुभयो ।
वैशाख महिनाको तुलनामा जेष्ठ महिनामा एक सय चारवटा बढि सवारी कार्वाहीमा परेका छन । कार्वाहीमा पर्ने सवारीसाधन मध्ये सबैभन्दा बढि कार र जीप रहेका छन भने सबैभन्दा कम टेम्पो रहेको छ ।