थुलुङ्ग दुधकोशी गाउँपालिका जुबुमा सूचना केन्द्रको निर्माण हुदै

असारको पहिलो हप्ताबाट सुरु गरिएको सूचना केन्द्रको यहि आर्थिक वर्ष अर्थात असार मसान्तसम्म काम सम्पन्न गर्ने लक्ष्यका साथ काम भइरहेको एभरेष्ट सामुदायिक सिकाइ केन्द्रका सचिव भुपाल राईले जानकारी दिनुभयो ।
थुलुङ दुधकोशी गाउँपालिका वडा नम्बर ४, ५ र ९ को स्थानिय बासीहरुलाई लक्षित गरि निर्माण सुरु गरिएको सूचना केन्द्रमा सभाहल सहितको दुई तले ६ कोठे भवनको निर्माण गरिने सचिव राईको भनाइ छ । राईका अनुसार अहिले भवनको जग बसाएर पर्खाल लगाउने काम भईरहेको छ ।
अनौपचारी शिक्षा अन्तगर्त प्रौढ शिक्षा, व्यवसायिक तथा सीपमूलक तालिम सञ्चालन गर्न, कृषि क्षेत्रमा बढावा दिनका लागि प्राविधिक हिसावले पहिचान गर्दै नगदेबालितर्फ किसानलाई अभिप्रेरित गर्ने, विउविजनको व्यवस्थापन गर्ने, उत्पादीत वस्तुलाई बजारीकरणमा सहयोग गर्ने उद्धेश्यका साथ सामुदायिक कृषि सूचना केन्द्रको निर्माण सुरु गरिएको एभरेष्ट सामुदायिक सिकाइ केन्द्रका सचिव भुपाल राईले जानकारी दिनुभयो । फोटो: सौजन्य भुपाल राई ।