सोलुखुम्बु । आप्रवासी स्रोत केन्द्र (सहायता कक्ष) सोलुखुम्बुमा हालसम्म परामर्श सेवा लिनेको सङ्ख्या ६ सय पाँच जना पुगेको छ । आप्रवासी स्रोत केन्द्र सुरु भएपश्चात् हालसम्म अर्थात् ५ महिनाको अवधिमा ६ सय पाँच जनाले वैदेशिक रोजगार सम्बन्धी परामर्श सेवा लिएको परामर्शकता सलिना लामिछानेले सोलु एफ एमलाई जानकारी दिनुभयो ।
साउन महिनामा ६४ जना, भदौमा एक सय ८२ जना, असोजमा एक सय ३४ जना, कार्तिकमा दुई सय १६ जना र मङ्सिरमा नौ जनाले वैदेशिक रोजगार सम्बन्धी परामर्श सेवा लिएको आप्रवासी स्रोत केन्द्र परामर्शकता लामिछानेले सोलु जानकारी दिनुभयो ।
वैदेशिक रोजगारको क्रममा आफू जाने देशको विषयमा अग्रिम जानकारी, सीप र भाषा, सीप सिकेर मात्र वैदेशिक यात्रा तय गर्न परामर्शकर्ता लामिछानेको सुझाव छ ।
वैदेशिक रोजगारीमा जान चाहनेहरूले आप्रवासी जिल्ला प्रशासन कार्यालय सोलुखुम्बु सँगै रहेको आप्रवासी स्रोत केन्द्र सहायता कक्षमा सम्पर्क गरी थप जानकारी लिन सकिने जानकारी दिनुभयो ।
वैदेशिक रोजगारीमा जाँदै गर्दा कसैको प्रलोभनमा नपर्न र ठगी हुन नदिनका लागि आधिकारिक सूचना तथा परामर्श दिने उद्देश्यले गत साउन २४ गते सोलुदुधकुण्ड नगरपालिकाले आप्रवासी स्रोत केन्द्रको सुरुवात गरेको हो ।
