सोलुदुधकुण्ड नगरपालिकाले ल्यायो ८३ करोड बढी बजेट

सोलुदुधकुण्ड नगरपालिका ।  सोलुदुधकुण्ड नगरपालिकाले आगामी आर्थिक वर्षका लागि ८३ करोड ८० लाख ९४ हजार रुपैयाँको बजेट ल्याएको छ । आर्थिक वर्ष २०८१/०८२ को नीति तथा कार्यक्रम कार्यान्वयन गर्न नगर सभाको १६ औँ अधिवेशनमा ८३ करोड ८० लाख ९४ हजार रुपैयाँको बजेट पेस भएको हो ।

नगरपालिकाले पँुजिगततर्फ ३५ करोड ७१ लाख र चालुतर्फ ४८ करोड नौ लाख १० हजार रुपैयाँ विनियोजन गरेको छ ।
नगरपालिकाले आगामी आर्थिक वर्ष २०८२ ०८३ मा र नागरिकमैत्री सेवा प्रवाह सुनिश्चित गर्न नगरपालिका तथा वडा कार्यालयका प्रशासनिक भवन निर्माण सम्पन्न गर्ने कार्यलाई प्राथमिकतामा राखेको छ ।

यस्तै क्षेत्रीय पहुँच विस्तारका लागि सडक स्तरोन्नति, कृषि यान्त्रीकरण मार्फत उत्पादन र उत्पादकत्व वृद्धि, सुत्केरी भेटघाटका क्रममा घरमै जन्म दर्ता प्रमाण पत्र सेवा उपलब्ध गराउने व्यवस्था र नागरिकमैत्री सेवा प्रवाह सुनिश्चित गर्न नगरपालिका तथा वडा कार्यालयका प्रशासनिक भवन निर्माण सम्पन्न गर्ने कार्यलाई प्राथमिकतामा राखेको नगर प्रवक्ता एवं सोलुदुधकुण्ड नगरपालिका वडा नम्बर ६ का वडा अध्यक्ष फूर्वा ग्याल्जेन शेर्पाले जानकारी दिनुभयो ।