सोलुखुम्बु । सगरमाथा राष्ट्रिय निकुञ्ज नाम्चेमा ६ वर्ष यताकै उच्च राजश्व सङ्कलन भएको छ । निकुञ्जमा आर्थिक वर्ष २०८१/०८२ मा १७ करोड २४ लाख ३० हजार दुई सय ८२ रुपैयाँ ७१ पैसा राजश्व सङ्कलन भएको निकुञ्ज नाम्चेका प्रमुख एवं संरक्षण अधिकृत जानकारी दिनुभयो ।
विदेशी पर्यटकबाट तीन हजार रुपैयाँ, सार्क मुलुकका पर्यटकबाट एक हजार पाँच सय र नेपालीबाट एक सय रुपैयाँ राजश्व संकलन गरिदै आएको निकुञ्जले जनाएको छ ।
निकुञ्जले आर्थिक वर्ष २०८०/०८१ मा १५ करोड ४७ लाख ६० हजार पाँच सय ६६ रुपैयाँ २० पैसा राजश्व सङ्कलन भएको निकुञ्जले जनाएको छ ।
आर्थिक वर्ष २०७६/७७ मा नौ करोड ५७ लाख ६० हजार नौ सय ९४ रुपैयाँ राजश्व सङ्कलन गरेको निकुञ्जले आर्थिक वर्ष २०७७/०७८ मा एक करोड २१ लाख ५३ हजार चार रुपैयाँ ३९ पैसा सङ्कलन गरेको थियो ।
निकुञ्जले आर्थिक वर्ष २०७६/०७७ को तुलनामा आर्थिक वर्ष २०७७/०७८ मा आठ करोड ३६ लाख सात हजार नौ सय ९० रुपैयाँ ३९ पैसा कम राजश्व सङ्कलन गरेको थियो ।
यसै गरी आर्थिक वर्ष २०७८/०७९ मा ६ करोड दुई लाख ३८ हजार तीन सय ३८ रुपैयाँ ६७ पैसा राजश्व सङ्कलन भएको थियो ।
निकुञ्जले आर्थिक वर्ष २०७८/०७९ मा अघिल्लो आर्थिक वर्ष भन्दा चार करोड ८० लाख ८५ हजार तीन सय ३४ रुपैयाँ २८ पैसा बढी राजश्व सङ्कलन गरेको थियो ।
आर्थिक वर्ष २०७९/०८० मा १४ करोड ८१ लाख ३६ हजार आठ सय एक रुपैयाँ २३ पैसा राजश्व सङ्कलन गरेको सगरमाथा राष्ट्रिय निकुञ्ज नाम्चेका निकुञ्ज नाम्चेका प्रमुख एवं संरक्षण अधिकृत जानकारी दिनुभयो ।
निकुञ्जमा अघिल्लो आर्थिक वर्षको तुलनामा आर्थिक वर्ष २०७९/०८० मा आठ करोड ७८ लाख ९८ हजार चार सय ६२ रुपैयाँ ५६ पैसा बढी राजश्व सङ्कलन भएको थियो ।
सगरमाथा राष्ट्रिय निकुञ्ज नाम्चेमा आर्थिक वर्ष २०८०/०८१ मा १५ करोड ४७ लाख ६० हजार पाँच सय ६६ रुपैयाँ २० पैसा राजश्व सङ्कलन भएको निकुञ्ज प्रमुखको भनाइ छ ।
आर्थिक वर्ष २०७९/०८० को तुलनामा २०८०/०८१ मा ६६ लाख २३ हजार सात सय ६४ रुपैयाँ ९७ पैसा बढी राजश्व सङ्कलन भएको सगरमाथा राष्ट्रिय निकुञ्ज नाम्चेको तथ्यांंकमा उल्लेख छ ।
६ वर्षको अवधिमा सबै भन्दा कम राजश्व आर्थिक वर्ष २०७७/०७८ मा एक करोड २१ लाख ५३ हजार चार रुपैयाँ ३९ पैसा सङ्कलन भएको र सबै भन्दा बढी आर्थिक वर्ष २०८०/०८१ मा १५ करोड ४७ लाख ६० हजार पाँच सय ६६ रुपैयाँ २० पैसा राजश्व सङ्कलन भएको सगरमाथा राष्ट्रिय निकुञ्ज नाम्चेले जनाएको छ ।
यसैबिच गत आर्थिक वर्षमा विदेशी पर्यटक, सार्क मुलुक र नेपाली गरी ५८ हजार नौ सय ७९ जना पर्यटकहरुले सगरमाथा राष्ट्रिय निकुञ्जको भ्रमण गरेको तथ्यांकमा उल्लेख छ ।
Discussion about this post