सोलुखुम्बु । सदरमुकाम सल्लेरीदेखि तीन घण्टा पदयात्रामा पुग्न सकिने पिके डाँडा समुन्द्री सतहबाट ४ हजार दुई सय मिटर उचाईमा रहेको छ । पिके डाँडाबाट आँखै अगाडि हाँसीरहेको सगरमाथा नियाल्न सकिन्छ ।
आँखै अगाडि हाँसीरहेको सगरमाथाको दृष्य देख्न पाउँदा कस्को मन रमाउदैन होला र ।
सल्लेरीदेखि हिँड्दै जाँदा थकान लागेपनि पिके डाँडा पुगिसकेपछि थकानहरु पुरै बिर्सीएर त्यहाँबाट देखिने विभिन्न हिमालहरु अनि मनोरम दृष्यले आनन्द भरिदिन्छ ।
पिके डाँडामा अत्याधिक हावा चल्ने भएकाले न्यानो कपडा लगाएर जानुपर्दछ । साथिहरुसँग रमाईलो गर्दै सेल्फी अनि भिडियो लिन त झन बिर्सीनुभएन । यादगार समय बनाउनका लागि ग्रुपमा फोटो किन नलिने होइन र ।
पिके डाँडा आन्तरिक तथा बाह्य पर्यटकहरुको सम्भावना रहेको पर्यटकिय स्थल हो । यदि यस ठाउँको प्रचार प्रसार गर्न सकेमा पिके डाँडा आन्तरीक तथा बाह्य पर्यटकहरुका लागि लोकप्रिय गन्तव्यस्थल बन्न सक्छ । साथै सम्बद्र्धन र प्रवद्र्धनमा ध्यान पुर्याउन सके आर्थिक क्षेत्रमा टेवा पुग्नेछ ।
यदि तपाई पदयात्राको सौखिन हो भने सोलुखुम्बुको पिके डाँडा पक्कै पनि उत्कृष्ट विकल्प हुन सक्छ । त्यसैले बिदाको समय मिलाएर साथिभाइ अनि परिवार मिलेर पिके डाँडा अवश्व पनि जानुहोस । आँखा अगाडि सुन्दर हिमाल अनि मनमोहक दृष्य हेर्न पाउँदा स्वर्गको आभाष हुनेछ । पदयात्रा गर्नुपर्ने भएकाले आवश्यक पैसा, न्यानो कपडा, स्वस्थ खानेकुरा भने बोक्न नछुटाउनुहोस है । बाटोमा जे पनि पर्न सक्छ ।
तस्बिर पशि शेर्पा
