सोलुखुम्बु । थुलुङ दुधकोशी गाउँपालिका अध्यक्षका प्रत्यासी आङ बाबु राईले समुन्नत गाउँपालिका निर्माणमा आफनो उमेद्धार रहेको बताउनुभएको छ । उहाँले सोलु एफ एमसँग कुराकानि गर्नुहुदै पालिकाको चौतर्फि विकासका लागि नेकपा एमालेबाट आफुले उमेद्धारी दिएको बताउनुभयो ।
राईले गाउँपालिकाको स्वास्थ्य, शिक्षा, कृषि, पर्यटन लगायतका विषयमा आफनो विशेष जोड रहने बताउदै आर्थिक रुपमा विपन्न उत्पिडित परिवारका विद्यार्थीहरुलाई उच्च शिक्षामा निःशुल्क अध्ययनको लागि व्यवस्था गरीने उल्लेख गर्नुभएको छ ।
गाउँपालिकाको दिगो विकासका लागि थुलुङ दुधकोशी गाउँपालिकामा नेकपा एमाले पार्टिले निर्वाचन जित्नुपर्ने बताउँदै भ्रष्टाचार अन्त्यका लागि नेकपा एमालेको बलियो भूमिका रहने दावि गर्नुभयो ।
थुलुङ दुधकोशी गाउँपालिका अध्यक्षका प्रत्यासी आङ बाबु राईले पालिका भित्रको युवाहरुलाई साना उद्योग सञ्चालन गर्नको लागि अभिपे्ररित गर्न गर्दै पाँच लाख रुपैयाँसम्म विनाधितो उद्यमशील व्यवसायी कर्जा प्रदान गरिने उहाँको योजना रहेको छ । यस्तै प्रत्येक वडालाई पर्यटकिय वडाको रुपमा विकास र विस्तारका लागि गुरुयोजना बनाई विभिन्न संघ संस्था, प्रदेश, केन्द्रीय तहबाट नै पहल गरी पर्यटकीय गाउँ पालिका बनाईने योजना रहेको सुनाउनुभयो ।
आङ बाबू राईले प्रत्येक युवाहरुलाई रोजगारीको ग्यारेण्टी प्रदान गरीने सुनाउँदै साना उद्योगहरु खोल्न युवाहरुलाई उत्प्रेरित गरीने योजना रहेको साथै उद्योग खोल्न पालिकाबाट युवाहरुलाई दश लाख रुपैयाँसम्म ऋण सहयोग प्रदान गरीने योजना रहेको उल्लेख गर्नुभयो ।