काठमाडौँ । जर्मन फुटबलर काऐ हाभार्ट प्रिमियर लिग क्लब चेल्सीमा अनुबन्ध भएका छन् । चेल्सीले हाभार्टलाई जर्मन क्लब बायर लेभरकुजनबाट क्लबको दोस्रो महँगो ट्रान्सफर रकम ७१ मिलियन पाउण्डमा अनुबन्ध गरेको हो ।
यसअघि लण्डन क्लब चेल्सीले जर्मनीमा टिमो वेर्नरलाई आरबी लाइपजिगबाट अनुबन्ध गरेको थियो । चेल्सीले २०१८ मा गोलकिपर केपालाई ७१।६ मिलयन पाउण्डमा अनुबन्ध गरेको थियो ।
जर्मनीका अन्तर्राष्ट्रिय खेलाडी हाभार्टले बुण्डेसलिगा क्लब लेभरकुजनका लागि ११८ खेलमा ३६ गोल गर्नुका साथै २५ असिस्ट समेत गरेका छन् ।
हाभार्ट फ्राङ्क लाम्पार्डको टिममा अनुबन्ध हुने सातौं खेलाडी हुन् ।
चेल्सीले सेप्टेम्बर १४ मा ब्राइटनविरुद्ध खेल्दै नयाँ सिजन सुरुवात गर्नेछ ।