चिडियाखाना भोलिदेखि खुल्दै

काठमाडौँ । सरकारले लागू गरेको स्वास्थ्य मापदण्ड पूर्ण रुपमा पालना गर्दै सदर चिडियाखाना भोलिदेखि खुल्ने भएको छ ।

कोरोना भाइरस नियन्त्रणका लागि सरकारले गरेको लकडाउनका कारण चैत ७ गतेदेखि बन्द रहेको चिडियाखाना २५ मंसिरदेखि खोल्ने निर्णय गरिएको
चिडियाखानाका प्रमुख डा। चिरञ्जीवि प्रसाद पोखरेले जानकारी दिनुभयो ।

प्रमुखका अनुसार एकपटकमा ७ सयदेखि ८ सयजनासम्म दर्शक चिडियाखाना भित्र प्रवेश गर्न पाउनेछन् ।

दुईदेखि साढे दुई घण्टासम्म मात्र भित्र घुम्न पाउने उहाँले बताउनुभयो । भौतिक दूरी कायम गर्दै अनिवार्य मास्क लगाएर मात्र चिडियाखा प्रवेश गर्न पाउने उहाँले उल्लेख गर्नुभयो ।

भोलिदेखि अवलोकनका लागि खुला गरिएको चिडियाखाना घुम्न जानका लागि ई सेवामार्फत आज बेलुकादेखि नै अनलाइन टिकट खुलाइने प्रमुखले जानकारी दिनुभयो ।

चिडियाखाना प्रवेशका लागि १५० रुपैयाँको टिकट काट्नु पर्ने छ । विद्यार्थी र ज्येष्ठ नागरिकले भने ९० रुपैयाँमा नै टिकट पाउने छन् । यस्तै ४ देखि १२ वर्षसम्मका बालबालिकाको लागि भने टिकटको ५० रुपैयाँ लाग्ने छ ।

चिडियाखानामा अहिले एक सय १० प्रजातिका एक हजार ८० वन्यजन्तु रहेका छन् ।