हेटौँडाकी कोरोना संक्रमित महिलाको चितवनमा मृत्यु

मिर्गौला रोगबाट ग्रसित हेटौँडाकी १ महिलाको कोरोना संक्रमणको कारण मृत्यु भएको छ ।

चितवन मेडिकल कलेज (सीएमसी) मा उपचाररत हेटौँडा उपमहानगरपालिका- ४ की ४९ वर्षीया महिलाको शनिबार बिहान मृत्यु भएको जनाइएको छ ।

सीएमसीको कोभिड आइसीयूमा उपचारको क्रममा उनको मृत्यु भएको अस्पतालले जानकारी दिएको छ ।

२७ साउनमा मृतम महिला मिर्गौला डायलाइसिसका लागि चितवन मेडिकल कलेजमा आएकी थिइन् । उनको तीन पटकसम्म मिर्गौला डायलाइसिस गरिएको अस्पतालले जनाएको छ । चितवन मेडिकल कलेजले बिरामी भर्ना गर्नुपूर्व नै कोरोना परीक्षण गर्ने गरेको छ ।