सरकार र डा. केसी पक्षबीच वार्ता हुने तयारी

काठमाडौँ । सरकार र आमरण अनशनरत डा गोविन्द केसी पक्षबीच आज वार्ता हुँदै छ । अपराह्न चार बजे वार्ता गर्ने तयारी छ ।

डा. केसीको जीवन रक्षाको माग गर्दै चिकित्सक, स्वास्थ्यकर्मी र नागरिकस्तरबाट दबावमुलक कार्यक्रमलाई निरन्तरता दिइएको छ ।

डा. केसीले आमरण अनशन सुरु गरेको २४ औं दिनमा सरकारले बुधबार शिक्षा मन्त्रालयका सचिव गोपीनाथ मैनालीको नेतृत्वमा तीन सदस्यीय वार्ता टोली गठन गरेको थियो ।

सरकारले वार्ता टोली घोषणा गरेलगत्तै डा। केसी पक्षले पनि डा। जीवन क्षेत्रीको नेतृत्वमा वार्ता टोली गठन गरेको थियो ।

वार्ता टोलीमा नेपाल चिकित्सक संघका अध्यक्ष डा। लोचन कार्की, पूर्वअध्यक्ष डा। अञ्जनीकुमार झा र अधिवक्ता ओमप्रकाश अर्याल सदस्य छन् ।

सरकारी वार्ता टोलीमा स्वास्थ्य मन्त्रालयका सहसचिव गुणराज लोहनी र चिकित्सा शिक्षा आयोगका निर्देशक दिलिप शर्मा सदस्य छन् ।

डा. केसीको तर्फबाट वार्ता टोलीका संयोजक डा। जीवन क्षेत्रीले आज सरकारी टोलीसँग वार्ता हुने जानकारी दिनुभयो ।

चिकित्सा शिक्षा सुधारका बिभिन्न ६ बुँदे मागहरु राख्दै डा. केसीले गत २९ भदौदेखि जुम्लाबाट १९ औं अनशन सुरु गर्नुभएको थियो ।