शुभकामना आदानप्रदान गरि नयाँ वर्ष मनाइदै

काठमाडौं । नयाँ वर्ष सुरु भएको पहिलो दिन अर्थात विक्रम संवत् २०७८ साल नयाँ वर्ष सुरु भएको छ । वर्षको पहिलो दिन वैशाख १ गतेलाई नेपालीहरुले विशेष दिनको रुपमा एकआपसमा शुभकामना आदानप्रदान गरी मनाउने गर्दछन ।

नयाँ वर्षको शुरुवात भएसँगै नयाँ कामको थालनी गर्ने परम्परा रहेको छ । साथै आजका दिन नयाँ योजना बनाउने र कुनै काममा सफलता पाउनका लागि संकल्प गर्ने चलन पनि रहेको छ । गएको वर्षलाई समिक्षा गर्दै सफलतारअसफलता मूल्याङ्कन गरी असफलता दोहरिन नदिने र सफलता प्राप्त गर्न योजना निर्माण एवं सङ्कल्प समेत गर्ने गर्दछन्।

नयाँ वर्षको अवसर बनाएर साथिभाई एकअर्कामा जमघट भेटघाट गर्ने, मन्दिर जाने साथै भ्रमणमा जाने पनि चलन रहेको छ ।
गतवर्ष कोरोना त्रासका कारण कतै जान नपाएका यो वर्ष भने केही ठाउँमा गएको पाइएको छ । तर यस वर्ष पनि कोरोना संक्रमणको जोखिम कायमै रहेकाले सरकारले स्वास्थ्य सुरक्षा सम्बन्धि मापदण्ड पालना गरी नयाँ वर्ष मनाउन सबैलाई अनुरोध गरेको छ ।