काँग्रेस सोलुखुम्बुको बैठक सुरु, सर्वसम्मत उमेदवार चयन हुने

सोलुखुम्बु । नेपाली काँग्रेस सोलुखुम्बुले आज बिहीबारदेखि बैठक सुरु गरेको छ ।

वसन्त बजार स्थित नेपाली काँग्रेस सोलुखुम्बुको पार्टी कार्यालयमा बसेको बैठकमा क्रियाशील सदस्यता नवीकरण तथा नयाँ वितरण सहित उम्मेदवार सिफारिस सम्बन्धी दुई प्रस्तावहरू पेस भएको नेपाली काँग्रेस सोलुखुम्बुले जनाएको छ ।

आजको बैठकमा प्रतिनिधिसभा प्रत्यक्ष / समानुपातिक र राष्ट्रियसभा सदस्य निर्वाचनका लागि उम्मेदवारको नाम सिफारिस गर्ने प्रस्ताव पेस भएको नेपाली काँग्रेस सोलुखुम्बुका सभापति नाम्गेल जाङ्बु शेर्पाले जानकारी दिनुभयो ।

गएको वर्षहरूमा नेपाली काङ्ग्रेसभित्र विवाद चर्किने गरेको तर यस पटक भने सर्वसम्मत रूपमा उम्मेदवार चयन कार्य सम्पन्न गर्ने सभापति शेर्पाको दाबी छ । उम्मेदवार चयन कार्य २७ गते शनिवार सम्पन्न हुने उहाँले जानकारी दिनुभयो ।

बैठकमा नेपाली कांग्रेस सोलुखुम्बु जिल्ला कार्यसमितिका नेता पदाधिकारी लगायतको उपस्थिति रहेको थियो ।