काठमाडौं । पछिल्लो २४ घण्टामा देशभर ९७ जनामा कोरोना भाइरस (कोभिड १९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार चार हजार चार सय ८४ जनाको नमुना परीक्षण गर्दा ९७ जनामा कोरोना भाइरसको संक्रमण देखिएको हो ।
यस्तै थप ६६ जनासहित हालसम्म २ लाख ७१ हजार ११६ जना कोरोना संक्रमणमुक्त भएका छन् । उनीहरुमध्ये ३ हजार १२ जनाको मृत्यु भएको छ । हाल देशभर सक्रिय संक्रमितको संख्या ९४२ रहेको छ ।
योसँगै नेपालमा कोरोना संक्रमितको कुल संख्या २ लाख ७५ हजार ७० पुगेको मन्त्रालयले जनाएको छ ।
