काठमाडौँ । कोरोना भाइरसका कारण स्थगित कक्षा १२ को परीक्षा मंसिर ९ गतेदेखि सञ्चालन हुने भएको छ ।
नेपाल सरकारले तोकेको सुरक्षा मापदण्ड र सामाजिक दुरी कायम गरेर परीक्षा सञ्चालन गर्न लागिएको राष्ट्रिय परीक्षा बोर्डका अध्यक्ष प्रा. डा. चन्द्रमणि पौडेलले बताउनुभयो ।
शनिबार समेत परीक्षा सञ्चालन गरेर मंसिर १६ मा सबै विषयको परीक्षा सकिने भएको छ ।
कोभिड–१९ संक्रमित विद्यार्थीलाई भने कोरोना मुक्त भएपछि छुट्टै परीक्षाको व्यवस्था गरिने बोर्डले जनाएको छ ।
Discussion about this post