सोलुखुम्बु । ग्लोबल आइएमइ बैंकले सोलुदुधकुण्ड नगरपालिका ४ फाप्लुमा शाखा रहित बैङ्किङ सेवाको शुरुवात गरेको छ । व्यापारी, पर्यटक तथा स्थानीय बासिन्दाको मागलाई ध्यानमा राखी विश्वसनिय ढंगबाट बैंक शुरुवात गरेको ग्लोबल आइएमइ बैंक सोलुखुम्बुले जनाएको छ ।
बैंकबाट दैनिक कारोबार गर्दा समयको बचत सँगै विश्वसनियता हुने भएको कारण हरेक सेवाग्राहीकोे पहुँचमा बैंकिङ सुविका पुर्याउन सकेमा सहजता मिल्ने कार्यक्रमका प्रमुख अतिथि तथा सोलुदुधकुण्ड नगरपालिका उपमेयर कल्पना राईले उल्लेख गर्नुभयो ।
व्यस्त विमानस्थल, पर्यटकीय क्षेत्र, तथा जिल्ला अस्पताल समेत रहेको स्थान फाप्लुमा अन्य कुनै पनि बैंङ्किङ सेवा नरहेको हुँदा सेवाग्राहीको समस्यालाई मध्यनजर गर्दै ग्लोबल आइएमइ बैंकले सेवा प्रदान गर्न लागेको ग्लोबल आइएमइ बैंक सोलुखुम्बु शाखाका शाखा प्रबन्धक नवनिधी ढकालले बताउनुभयो । उहाँले बैङ्किङ सेवाको शुरुवात भएसँगै सेवाग्राहीलाई दैनिक कारोबारमा सहजता मिल्ने बताउनुहुँदै विश्वसनिय सेवा प्रदान गर्ने कुरामा आफुहरु नचुक्ने समेत प्रतिवद्धता व्यत्त गर्नुभयो ।
बैँक शुरुवात भएसँगै स्थानियले खुशी व्यत्त गर्दै सहजता हुने बताएका छन् ।
ग्लोबल आइएमइ बैंकले सोलुखुम्बु जिल्लामा २०७६ साल साउन २० गतदेखि सेवाको शुरुवात गरेको हो ।
