काठमाडौं । हाल देशभर सक्रिय संक्रमितको संख्या एक हजार छ सय १३ रहेको स्वास्थ्य तथा जनसंख्या मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार २४ घण्टामा देशभर एक सय २८ जनामा कोरोना भाइरस संक्रमण पुष्टि भएको छ ।
दुई हजार सात सय २७ जनाको नमुना परीक्षण गर्दा एक सय २८ जनामा कोरोना भाइरसको संक्रमण पुष्टि भएको हो ।
योसँगै नेपालमा कोरोना संक्रमितको कुल संख्या दुई लाख ७७ हजार सात सय ६८ पुगेको छ । यस्तै कोरोना संक्रमणबाट थप एकजनाको मृत्यु भएको छ । नेपालमा हालसम्म ३ हजार ३२ जना संक्रमितको मृत्यु भएको छ ।
