काठमाण्डौ । ५५ जिल्लाका चार सय ४९ वन क्षेत्रमा डढेलो लागिरहेको वन विभागको वन डढेलो पहिचान तथा अनुगमन प्रणालीले जनाएको छ ।
वन विभागको वन डढेलो पहिचान तथा अनुगमन प्रणालीका अनुसार अहिले सबैभन्दा धेरै सुर्खेतका ३८ ठाउँमा डढेलो लागिरहेको छ ।
यस्तै दाङका ३१, प्युठानका २६ तथा चितवन र सल्यानका २४र२४ तथा बर्दिया र डोटीका २१र२१ ठाउँमा सक्रिय डढेलो रहेको छ ।
कैलाली, कञ्चनपुर, उदयपुरका, बाँके, कपिलवस्तु, मकवानपुरलगायतका जिल्लामा पनि अहिले सक्रिय डढेलो रहेको छ । वन विभागको वन डढेलो पहिचान तथा अनुगमन प्रणालीको तथ्याङ्कअनुसार गएको पुसपछि मात्रै देशका सबै जिल्लामा गरी ३८ सय चार वटा ठाउँको जङ्गलमा डढेलो लागिसकेको छ ।
अहिले वायु प्रदूषणको मात्रा केही घटे पनि जङ्गलमा डढेलो फैलने क्रम बढेकाले फेरि वायु प्रदूषणको जोखिम बढेको वातावारणविद्ले बताएका छन् ।
साभार उज्यालो अनलाइन
