चैत २५ गतेदेखि चिनियाँ खोप लगाइने

काठमाडौं । चैत २५ गतेदेखि चिनियाँ खोप ‘भेरोसेल’ प्रयोगमा ल्याउने सरकारले निर्णय गरेको छ ।

स्वास्थ्य तथा जनसंख्या मन्त्रालयका अनुसार यो खोप अत्यावश्यक सेवामा संलग्न व्यक्तिहरुका साथै हिमालय सीमापार व्यापार गर्नेहरु र चीन सरकारको छात्रवृत्तिमा चीनमा अध्ययन गर्ने वा अध्ययनमा जाने तयारीमा रहेका विद्यार्थीहरुलाई दिइने छ ।

यस्तै अत्यावश्यक सेवामा स्वास्थ्य, खानेपानी, दुग्ध पदार्थ वितरण लगायतका सेवा पर्ने स्वास्थ्य तथा जनसंख्या मन्त्रालयले जनाएको छ ।

चीन सरकारले केही पहिले आठ लाख डोज कोरोना खोप ‘भेरोसेल’ नेपाललाई अनुदानमा उपलब्ध गराएको थियो ।