काठमाडौं । बुधबार नेपालमा थप १ हजार १ सय ७२ जनामा कोरोना भाइरसको संक्रमण पुष्टि भएको छ ।
गएको २४ घण्टामा नौ हजार चार सय ९७ जनाको पीसीआर परीक्षण गर्दा एक हजार एक सय ७२ जनामा सङ्क्रमण देखिएको हो ।
गएको २४ घण्टामा एक हजार आठ सय ९३ जना निको भएर फर्किएसँगै डिस्चार्ज हुनेको सङ्ख्या ४९ हजार नौ सय ५४ जना पुगेको छ ।
योसँगै नेपालमा कोरोना संक्रमितको जम्मा संख्या ६७ हजार ८ सय ४ पुगेको छ भने हाल देशभर सक्रिय संक्रमितको संख्या १७ हजार ४ सय १४ छ ।
पछिल्लो २४ घण्टामा काठमाडौं उपत्यकामा मात्रै ६ सय ३७ जना कोरोना संक्रमित थपिएका छन् । काठमाडौंमा ४ सय ९२ जना, ललितपुरमा ५० र भक्तपुरमा ९५ जनालाई कोरोना संक्रमण देखिएको हो ।
यसैगरी बुधबार थप १ हजार ८ सय ९३ जना निको भएर घर फर्किएका छन् । यससँगै हालसम्म कोरोनाबाट निको हुनेको संख्या ४९ हजार ९ सय ५४ पुगेको छ ।
अब नेपालमा १७ हजार चार सय ११ जना सक्रिय सङ्क्रमित आइसोलेशनमा रहेका छन् । यस्तै सात हजार एक सय चार जना क्वरेण्टीनमा रहेको मन्त्रालयले जनाएको छ ।
यस्तै गएको २४ घण्टामा सात जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या चार सय ३६ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।
