* मुर्खको यो प्रवृत्ति छ कि ऊ सधैँ तिनको अपमान गर्दछ जो विद्या, बुद्धि शील आयु, धन र कुलमा श्रेष्ट तथा माननीय छन ।
* जो स्वार्थी तथा धेरै प्राप्त गर्ने नशाबाट मुक्त छ तिनलाई समझदार ठान्दछु, किनकि संसारमा स्वार्थ र नशा नै सबै झमेलाको कारण हुन् ।
* विद्धानको सेवा गर्ने मानिस, चिकित्सक, धर्मपरायण, राम्रो, मृदुभाषी र मैत्रीभाव हुने मानिसहरुको सधैँ रक्षा गर्नुपर्दछ ।
* परिश्रम, संयम, धैर्य, चतुर्याईँ, स्मरणशक्ति तथा राम्रोसँग सोँचविचार गरी काम सुरु गर्ने प्रवृत्ति सम्पन्नता र उन्नतिका मूल हुन ।
* काम नगर्ने, क्रूर, देशकालको ज्ञान नराख्ने र निन्दित भेष धारण गर्ने मानिसलाई कहिल्यै आफनो घरमा बास नदिनु ।
* सुमधुर शब्दमा भनिएका शब्दले अनेक प्रकारले कल्याणको प्राप्ति हुन्छ तर कठोर शब्द महाअनर्थकारी हुन्छ ।
* मानिसले हिंसा नगरिकन अर्थको प्राप्ति गर्नुपर्दछ ।
* यस जगतमा क्षमा नै वशीकरणको साधन हो । क्षमाबाट के पाईन्न ? जसको हातमा शान्तिरुपी तरबार छ दुर्जनले उसलाई केही गर्न सक्दैन ।
* संसारमा तीन मत छन् विद्यामत, धनमत, कुलमत । अहंकारी पुरुषको बुद्धिलाई यिनले भ्रष्ट गर्दछन् । तर सज्जन व्यक्तिलाई अमन दिन्छन ।
* जो अरुको धन, सौन्दर्य, बल, कुल, सुख, सौभाग्य र सम्मानको ईष्र्या गर्दछन, ती सधैँ दुःखी रहन्छन् ।