काठमाण्डौँ । राष्ट्र बैँकले नयाँ नोट वितरणको बारेमा निर्णय गर्न सकेको छैन ।
नयाँ नोट वितरण गर्दा भीडभाड हुन सक्ने भएकाले नोट वितरण नै नहुन सक्ने सम्भावना रहेको राष्ट्र बैंकका कार्यकारी निर्देशक गुणकर भट्टले बताउनुभएको छ ।
उहाँले कोरोना भाइरसको महामारीका कारण पहिलाको जस्तो अवस्थामा वितरण गर्न नसकिने भएकाले यसपालिको दशैंमा नयाँ नोट बजारमा पठाउने वा नपठाउने भन्ने विषयमा राष्ट्र बैंक नै अन्योलमा रहेको बताउनुभयो ।
दशैंमा थप रौनक थप्नको लागि नयाँ नोट बजारमा पठाउने चलन भएपनि यसपटक त्यस्तो अवस्था नरहेको कारण नयाँ नोटबारे निर्णय हुन नसकेको राष्ट्र बैंकका कार्यकारी निर्देशक गुणकर भट्टको भनाई छ ।
