आज मेलम्ची पानीको औपचारिक उद्घाटन गरिने

काठमाण्डौ । काठमाण्डौमा आइतवारदेखि वितरण सुरु गरिएको मेलम्ची पानीको आज औपचारिक उद्घाटन हुँदैछ ।
दिउँसो २ बजे राष्ट्रपति विद्यादेवी भण्डारीले मेलम्चीको पानी उद्घाटन गर्ने कार्यक्रम तय भएको आयोजना कार्यान्वयन निर्देशनालयले जनाएको छ ।

काठमाण्डौको भृकुटीमण्डपमा बनाइएको धाराको टुटी खोलेर राष्ट्रपति भण्डारीद्धारा मेलम्ची पानीको उद्घाटन गरिनेछ । उद्घाटन कार्यक्रममा प्रधानमन्त्री केपी शर्मा ओलीसमेत सहभागी हुनुहुनेछ ।

यसअघि आयोजनाले २३ गते सोमवार उद्घाटन गर्ने भने पनि पानी वितरण भइसकेपछि ढिला गर्न नहुने भन्दै उद्घाटन कार्यक्रम आजका लागि राखिएको आयोजनाका प्रमुख कमलराज श्रेष्ठले बताउनुभयो ।

अहिलेसम्म काठमाण्डौको महाङ्काल, मीनभवन र खुमलटारको ट्याङ्कीबाट पानी वितरण सुरु भएको छ । यस्तै, काठमाण्डौ उपत्यका खानेपानी लिमिटेडले बालाजु पोखरीमा मेलम्चीको पानी हालेर त्यस क्षेत्रमा पानी वितरण सुरु गरेको छ ।